Bog’lanish

WordPress tizimi blog yaratish uchun bepul platforma hisoblanadi. Uni istagan kishi yuklab olishi va o’z saytining asosi sifatida ishlatishi mumkin. Ushbu uz.wordpress.org sayti WordPress tizimi loyihasining O’zbekiston uchun ajratilgan, o’zbek tilidagi bir qismi hisoblanadi. Bu sayt barcha o’zbeklarning ijodiy mulki hisoblanadi va u hammaga birdek tegishlidir.

Agar WordPress asosida ishlaydigan saytingizda biror muammo yuz bersa, Yordam forumlariga murojaat qiling. U yerda sizga yordam berishga tayyor bo’lgan minglab dasturchilar topiladi. Ammo yodingizda bo’lsin: bu saytda hech kim sizga yordam berishga majbur emas. Har kim o’z xohishi bilan, o’zi istaganicha yordam bera oladi. Shunday ekan, savollaringizni imkon qadar xushmuomalalik bilan bering. Har qanday yordam uchun albatta rahmat aytishni unutmang.

WordPress xalqniki bo’lganligi sababli unda ishlab chiqaruvchi ham, manzil ham, telefon raqam ham yo’q. Barcha yordam forumlar orqali olinishi mumkin. Bu saytda hamma narsa bepul va ixtiyoriy. Saytdagi hech kim saytingizdagi nosozlik uchun javobgar emas.